सोमेश्वर रिपोर्टर टीम-----
भोर : संतोष म्हस्के
नीरा खोऱ्यातील निरा-देवघर व भाटघर धरण क्षेत्रात पावसाचा जोर वाढल्याने तसेच भाटघर धरणाने ९३ टक्क्यांची सरासरी ओलांडली असून आज सकाळी भाटघर धरणातून नीरा नदीपत्रात पाण्याचा विसर्ग वाढवला आहे.
भाटघर धरणाच्या पाणी पातळीमध्ये झपाट्याने वाढ होत असल्याने सकाळी आठ वाजता भाटघर धरणाच्या विद्युत निर्मिती केंद्र द्वारे नदीपात्रामध्ये १६३१ क्युसेक विसर्ग सुरू करण्यात आला आहे. याबाबत पाटबंधारे खात्याने सूचना जारी केलेल्या सुचनेत म्हणटले आहे, नदीपात्रात कोणीही उतरू नये नदीच्या पात्रात कुठल्या विभागाचे काम सुरू असेल तर त्या विभागाने बांधकाम साहित्य व कामगार यांना सुरक्षित ठिकाणी हलविण्यात यावे. तसेच नदीच्या काठावरील सर्व गावांना सतर्कतेचा इशारा देण्यात यावा. तसेच नदीपात्रात पिण्याच्या व शेतीसाठी असलेले पंप सुरक्षित ठिकाणी हलविण्यात यावे. कृपया सखल भागातील संबंधीत नागरीकांना सूचना देण्यात याव्या आणि उचित कार्यवाही करण्यात यावी. सर्वांनी योग्य ती खबरदारी व दक्षता घ्यावी.
