सोमेश्वर रिपोर्टर टीम-----
लोणंद : प्रतिनिधी
लोणंद नीरा रस्त्यावर एका भरधाव क्रेनने दुचाकीवरील महिलेस चिरडल्याने सदर महिला जागीच ठार झाली. ही घटना आज दि. २६ रोजी दुपारी स्वव्वा दोन वाजण्याच्या सुमारास लोणंद बसस्थानका समोर घडली.
या अपघाताबाबत घटनास्थळावरून मिळालेली अशी, लोणंद नीरा रोडवर लोणंद बसस्थानकाच्या काही मिटर अंतरावर दुचाकीवरील महिलेस गर्दीच्या रस्त्यावरून भरधाव वेगाने जात असलेल्या क्रेनने जवळपास वीस ते पंचवीस फूट महिलेस फरपटत नेल्याने गंभीर जखमी होवून महिला जागीच ठार झाली. या भीषण अपघातानंतर पाहवत नव्हते इतके विदारक दृश्य त्याठिकाणी झाले असल्याचे अनेकजण सांगत होते. या अपघातात ठार झालेली महिला ही पुरंदर तालुक्यातील दौंडज येथील असल्याचे समजत आहे.
-----------------
क्रेन चालकाची मजोरी-----
सदर क्रेन हि लोणंद मधुन गर्दीतूनही कायमच खूप वेगात जात असते असे अपघातानंतर लोणंदमधील अनेकजणांकडून सांगण्यात आले. या क्रेनच्या चालकास आधीच समज दिली असती तर हा अपघात झालाच नसता असे मत अनेकांनी व्यक्त केले . पोलीसांनी या चालकाला पाठिशी न घालता त्याच्यावर कठोर कारवाई करण्यात यावी मागणी अपघातस्थळी असलेल्या नागरिकांकडून व्यक्त होत आहे.
